SKIJANJE

Vlhovoj prvi veliki kristalni globus

Slovačka skijašica Petra Vlhova osvojila je veliki kristalni globus u Svjetskom kupu, pošto je na slalomskoj trci u švajcarskom Lencerhajdu zauzela šesto mjesto, koje joj je bilo i više nego dovoljno da osigura ukupnu pobjedu.
Slovakinji je danas bilo potrebno najmanje 14. mjesto, zadatak je ispunila rutinski, pa sada uživa u prvom velikom globusu u karijeri.

Pobjedu na trci upisala je Austrijanka Kristina Linsberger sa vremenom od 1:49,77 minuta, čime je osvojila mali kristalni globus u slalomu.

Drugo mjesto zauzela je Amerikanka Mikaela Šifrin sa zaostatkom od 1,24 sekunde za pobjednicom, a treće mesto je pripalo Švajcarkinji Mišel Gizin, koja je imala zaostatak od 1,95 sekundi za Austrijankom.

Linsbereger u plasmanu slalomu ima 690 bodova, drugo mjesto pripalo je Šifrin sa 655 bodova, a Vlhova ja na trećem mjestu sa 652 boda.

U nedjelju se trkom u veleslalomu završava ovosezonsko takmičenje u Svjetskom kupu.

Prikaži Više

POVEZANI ČLANCI

Back to top button