Tajson: Nisam odustao, uskoro meč sa Holifildom

Legendarni bokser Majk Tajson (54) demantirao je vijest da se protivi borbi sa Ivanderom Holifildom.

Jedan od članova Holifildovog tima nedavno je izjavio da Tajson odbio honorar od 25 milona dolara i da je to prepreka za borbu.

“Samo bih želio da obavijestim javnost da  ljudi koji su to izjavili nemaju nikakve veze sa mnom. Agencija Triler me ne zastupa, ja sam klijent druge agencije. Meč sa Holifildom će se dogoditi u bliskoj budućnosti. Neke male, ali suštinske stvari treba prvo da se rikeše”, rekao je Tajson dodajući da misli da im nisu potrebni promoteri.

Tajson i Holifild su se borili dva puta. Holifild je 1996. godine pobijedio tehničkim nokautom u 11. rundi, ali meč iz 1997. kada je  Tajson odgrizao dio uha Holifildu i danas se pamti.