Jović želi novu šansu u Realu: Neće na pozajmicu

Luka Jović ne želi da opet ide na pozajmicu već traži svoju šansu kod trenera Karla Anćelotija.

Srpski napadač je došao u Real u ljeto 2019. godine za 63 miliona evra, ali se nije snašao. U 32 nastupa, Jović je postigao dva gola uz dvije asistencije. Ipak španska Marka navodi da je mladi napadač željan igre.

– Jović se činio kao odličan transfer. Real ga je doveo nakon velike borbe, a trebao je biti pomoć Karimu Benzemi. Dvije godine kasnije, Jović je proslavio samo dva gola i zbog tog razloga Real razmatra ponude. No, Jović ne želi otići iz Reala i moli za novu priliku. Smatra da ima kvalitet i to želi i dokazati, a kad su brojke u pitanju, poziva se na statistiku. Smatra da je dobio premalo šansi, nešto više od 30 minuta po utakmici i tvrdi da mu Zidane nikad nije dao pravu šansu – piše Marka.

Anćeloti je već u prvoj prijateljskoj utakmici protiv Rangersa (1:2) Joviću dao 45 minuta, a novu priliku trebao i dobiti u nedjelju protiv Milana.

– U Realu nikog neće tjerati. No, eventualni dolazak Kilijana Mbappea mogao bi sve promijeniti, a onda bi se Jović i još neki igrači našli na transfer listi. Zasad je on i dalje dio ekipe a čini se da Anćeloti vjeruje da se Srbin može popraviti – dodaje u tekstu Marka.