“Traumatično – boli što je Mesi otišao”

Predsјednik La Lige Havijer Tebas označio je odlazak Lionela Mesija iz Barselone kao traumatično iskustvo za njega i takmičenje.

Argentinac je otišao u Pari Sen Žermen, iako je donedavno djelovalo da problema sa produženjem ugovora neće biti.

Pravila La Lige bila su jasna, a finansijska i strukturna ograničenja spriječili su ostanak Mesija u Kataloniji.

– Očigledno je da želimo najbolje za La Ligu. Nejmar je otišao, Kristijano je otišao, sada Mesi. To je traumatično zato što je prije mjesec dana sve izgledalo dobro. Boli što je Mesi otišao, ali radimo dosta kako bismo bili sigurni da TV prava neće ’pasti’ – rekao je Tebas za “Mundo Deportivo”.

Mesi je sa PSŽ-om potpisao dvogodišnji ugovor.