Tuži trenera za 20 miliona $ zbog emotivnog zlostavljanja

Američka trkačica Meri Kejn podnijela je tužbu protiv svog nekadašnjeg trenera Alberta Salazara i traži 20 miliona dolara na ime nadoknade štete.

Kako je izvijestio Asošijeted pres, Kejn tvrdi da ju je Salazar emotivno zlostavljao tokom 2012. godine tokom njenog boravka u trening kampu u Oregonu. Ona je tada imala 16 godina.

Trkačica tvrdi da je trener bio osjednut njenom tjelesnom težinom i da ju je konstantno ponižavao u javnosti što je, kako je navela, uticalo na njeno psihičko i mentalno zdravlje. Prema tvrdnjama iznijetim u tužbi, uprava kampa je bila upoznata sa onim što se dešavalo, ali nije intervenisala.

U istom kampu svojevremeno je sa Salazarom trenirao i olimpijski šampion Mo Farah.

Salazar je 2019. godine bio kažnjen od strane Američke antodoping agencije (USADA) jer je pomagao sportistima u kršenju doping pravila tokom rada u kampu. On i doktor Džefri Braun proglašeni su krivima zbog ilegalnih metoda, miješanja u protokole doping kontrole i u davanju lijekova na bazi testosterona sportistima. Obojica su dobila četvorogodišnju suspenziju koja je 2021. godine. Sud za sportsku arbitražu potvrdio je kaznu koja je izrečena Salazaru i Braunu.