Prvi čovjek KK Partizan Ostoja Mijailović oglasio se putem društvenih mreža poslije navoda medija da je došlo do “obračuna” između igrača Radeta Zagorca i Rodionsa Kuruca.
– Pokušaji destabilizacije i plasiranje lažnih tekstova “dobro informisanih” je očekivano. Zbog tima, ali i zbog zlonamernih, pokažimo sutra slogu i pružimo podršku Željku i momcima u Areni – napisao je Mijailović.
U medijima su se, inače, pojavile informacije da su se Zagorac i Kuruc zakačili na treningu. Prema pisanju “Danasa”, varnice su bile takvog intenziteta da su mogle da proizvedu i tuču većih razmjera, a dodaje se da ne bi bilo iznenađenje da jedan od njih, u toku rekonstrukcije tima, postane višak i da mu se klub zahvali na saradnji.
Podsjećamo, na meču protiv Lietkabelisa, kapitensku traku je umjesto Zagorca nosio Nemanja Dangubić. Partizan narednu utakmicu igra u subotu od 21 čas, u devetom kolu ABA lige dočekaće Budućnost.
