“O Origiju će pisati knjige”

Trener Liverpula Jirgen Klop bio je zadovoljan nakon što je njegova ekipa stigla do pobjede u trileru protiv Vulverhemptona.

Strijelac u 94. bio je već sada kultni heroj tima s “Enfilda” Divok Origi.

– On je tako dobar igrač, sjajna osoba. Ušao je u igru i rešio je. Legenda, o njemu će pisati knjige – rekao je entuzijastični Nijemac.

Imao je neobičnu želju za nekadašnjeg igrača Lila.

– Jedan je od najboljih finišera na svijetu. U našoj formaciji sa trojicom napred ne igra stalno, ali voli klub i želi da mu doprinese. Želim mu da jednog dana ima trenera koji će ga koristiti više nego ja – kaže Klop.

Origi je bio i junak pobjede u polufinalu Lige šampiona 2019. protiv Barselone, a potom je bio strijelac i u finalu.

(B92)