Trener Denvera Majkl Meloun je izjavio da Džamal Marej još uvijek nije isključen iz njegovih planova za plej-of.
Marej je istrajan u namjeri da pomogne svojoj ekipi protiv Golden Stejta, ali se u isto vrijeme pita da li je spreman za to, smatra Meloun.
– Siguran sam da se sa tim bori svake noći – rekao je trener Nagetsa okupljenim novinarima.
Ranije je isticao da bi Marejev status najprije okarakterisao kao “neizvjestan”.
– Nisam mu zatvorio vrata. Vidjećemo kako mečevi sa Voriorsima budu išli i kako se Džamal osjeća. Sa moje strane neće biti nikakvih pritisaka na njega. Vratiće se kada bude spreman – izjavio je Meloun nedavno.
Prošlo je godinu dana od kako je kanadski košarkaš pokidao prednje ukrštene ligamente i od tada se nije vraćao na parket u dresu Nagetsa. Na to se nadovezala povreda leđa Majkla Portera zimus, te je tim iz Kolorada veći dio sezone bio bez dvojice od tri najbolja igrača.
Istovremeno, iz San Franciska stižu vijesti o oporavku Stefa Karija od povrede stopala. Kako prenosi Šems Čarnija, dvostruki MVP bi mogao da bude spreman već za prvi meč sa Denverom.
6 Comments