Pjer Gasli, vozač Formule 1, oglasio se povodom izmjene kalendara i staze u Monaku.
Formula 1 se sprema da proširi kalendar na 24 trke sa Las Vegasom i Katarom, pa se postavlja pitanje da li će jedna od aktuelnih izgubiti svoje mjesto.
Tračevi i spekulacije su česta stvar, pa se tako povela diskusija oko Monaka i da li bi nju trebalo izbaciti jer u modernoj eri nije pretjerano zanimljiva.
Staza je previše uska za ove moderne bolide i preticanja su prava rijetkost, ali Pjer Gasli tako ne misli.
– Ako izgubimo Monako to će biti šok. To je ikona automoto sporta i za nju znaju čak i ljudi koji ne prate Formulu 1. Monako je jedna od najtežih staza u šampionatu i meni jedna od omiljenih. Iako je u kalendaru VN Francuske, pa i Belgija jer je Spa vrlo blizu moje kuće, Monako je nekako moj dom. Spa i Monako su legendarne staze, za njih mora da bude mjesta – rekao je Gasli.
2 Comments