Kemna pobjednik četvrte etape Đira

Njemački biciklista Lenard Kemna pobjednik je četvrte etape trke Điro d'Italija, dok je vođstvo u generalnom plasmanu preuzeo španski takmičar Huan Pedro Lopes. Etapa od Avole do planine Etna završena je usponom dugim 22,9 kilometara, a Kemna je do trijumfa došao u finišu vremenom 4:32,11 sati.

Drugo mjesto pripalo je Huan Pedru Lopesu, koji je ružičastu majicu preuzeo od Holanđanina Metjua Van der Pula, 97. na ovoj etapi. Treći je kroz cilj prošao Estonac Rejn Tarame.

U generalnom plasmanu Huan Pedro Lopes vodi ispred Kemne, uz prednost od 39 sekundi, dok je Tarame treći sa 58 sekundi zaostatka.

Naredna etapa vozi se od Katanije do Mesine, u dužini od 172 kilometra.