VRAĆA SE OMILJENI TENISER Delpo na mjestu na kojem je rastužio Federera?
Iako se već oprostio od tenisa, Argentinac Huan Martin del Potro bi mogao da odigra barem još jedan zvanični meč.
Del Potro se emotivno oprostio pred domaćom publikom u Buenos Ajersu prošlog februara, ali…
Popularni “Div iz Tandila” bi, ipak, mogao da se vrati na US openu, turniru koji je osvojio 2009. godine.
– Konstantno radim razne eksperimente kako bih ‘popravio’ koljeno. Ako uspijem, volio bih da se vratim na turneju. Organizatori turnira su mi ponudili da se ovdje oprostim sljedeće godine – rekao je Del Potro.
Delpo koji uskoro puni 34 godine bi volio da se oprosti na terenu na kojem je osvojio jedinu Grend slem titulu u karijeri, pobijedivši Federera u finalu.
– Prioritet mi je život bez bolova. I dalje tražim pravi tretman, a prozor za povratak je otvoren. Ja se konstantno osjećam kao teniser i kada vidim ostale kako se takmiče mislim da bi trebalo da budem među njima. Ne smatram sebe bivšim igračem – podvukao je nekada treći igrač planete.
