„Mesi je kao Maradona“
Trener PSŽ Maurisio Poketino ima veliko povjerenje u Lionela Mesija koji u dresu Parižana ne pruža ni približno dobre partije kao dok je bio u Barseloni.
Argentinac je sa Svecima već obezbijedio titulu prvaka Francuske, a Poketino sljedeće sezone od sunarodnika očekuje da pokaže pravo lice.
– Kada govorimo o Mesiju, govorimo o neobičnom igraču. Lionel je u istoj ravni sa Dijegom Maradonom. Razumljivo, prelazak iz Barselone u PSŽ bila je velika promjena koja je zahtijevala proces prilagođavanja. Određene okolnosti nisu mu dopuštale da se osjeća ugodno kao u Barseloni, gdje je proveo mnogo godina – izjavio je Poketino i nastavio:
– Ocjenjivati Mesija na taj način je pogrešno. Ne sumnjam u njegove kvalitete. Sljedeća sezona biće potpuno drugačija.
Mesi je ove sezone odigrao 23 utakmice u prvenstvu Francuske i postigao je četiri gola uz 13 asistencija.
Inače, danas se navršilo 17 godina od kako je Argentinac postigao prvi gol u seniorskoj konkurenciji u dresu Barselone.
2 Comments