POKUŠAJ ZASTRAŠIVANJA Predsjedniku Lećea priredili scenu iz „Kuma“

Predsјednik Lećea Stići Damijan postao je žrtva surovog zaplašivanja, poput onog iz legendarnog filma “Kum”, javljaju italijanski mediji.

U srijedu ujutru ispred njegove kuće i advokatske kancelarije je ostavljena odrubljena svinjska glava, a našle su se i prijeteće poruke. Još uvijek krvava svinjska glava je otkrivena od strane kućepazitelja. Policija je odmah krenula u istragu, a kako tvrde mediji ovaj čin nema veze sa fudbalom, već sa mafijom.

Naime, poznato je koliki je stepen organizovanog kriminala na jugu Italije, a Stići Damijan je po struci advokat i to jako cijenjen u čitavom regionu.

Ovaj čin je pokušaj zastrašivanja, a čim je objavljeno šta se dogodilo, ljudi iz Lećea, ali i drugih klubova su se oglasili i pružili podršku Damijanu u borbi protiv kriminala.

Ostaje da vidimo da li će policija uspjeti da pronađe krivce i dalje ih proslijedi sudu.