Montevideo, Bog te video: “El Pistolero” se vratio u matični klub

Uprkos brojnim ponudama sa svih strana fudbalske planete, Luis Suarez odlučio je da se vrati tamo gdje je sve i počelo.

Nakon Groningena, Ajaksa, Liverpula, Barselone i Atletiko Madrida, Suarez se vraća u svoj dječački klub, mjesto gdje je načinio svoje prve fudbalske korake. Navijači nasionala namirisali su šansu i učinili sve kako bi ubijedili svog idola da napravi ovaj korak. Više od 15.000 ih je napravilo maske sa Suarezovim likom, a akcija se proširila na društvene mreže, pa golgeter nije imao izbora. Uveselio je srca armije navijača, a i njegovo je sigurno puno jer će ponovo osjetiti jesinstvenu atmosferu kakvu prave navijači najvećeg kluba Urugvaja.