Igrači Holandije brojeve dobili prema svojim godinama
Selektor Holandije Luj van Gal dodijelio je reprezentativcima brojeve za Mundijal prema starosti igrača.
– Inače o tome razgovaram s igračima, ali sada nisam. Igračima sam dao brojeve koji odgovaraju njihovim godinama – izjavio je Van Gal.
Novinari su ga potom na konferenciji za medije pitali je li to rekao u šali.
– To nije šala, nikad se ne šalim na konferenciji za medije, već objašnjavam zašto sam to napravio – odgovorio je Van Gal, čija će ekipa biti u Grupi A s domaćinom Katarom, Senegalom i Ekvadorom.
Van Gal je istakao da brojevi koji su igračima pripali ne pokazuju ko će igrati u prvoj postavi.
Na primjer, golmanu Remku Pasveru dao je dres s brojem 1, ali to ne znači da je on u prednosti ispred Justina Bijlova i Andriesa Noperta.
– To ima veze s godinama, to je odgovor – dodao je Van Gal.
Džeremi Frimpong i Ćavi Simons su novi članovi reprezentacije pa su dobili posljednje brojeve – 25 i 26.
– Naravno da sam razgovarao s njima, to se kod mene radi prvi dan. Na taj ih način upoznajem, govorim šta radimo i što ne radimo, to je bitno – objasnio je holandski selektor.
Van Gal vjeruje da Holandija može da napravi bolji rezultat nego što je 2014, kada je s njim kao selektorom bila treća na svijetu.
– Ne mislim da imamo najbolje igrače na svijetu u ekipi. Ali vjerujem u tim i taktiku. Možemo daleko dogurati, a treba nam i sreća. Želim da igrači zamisle da smo svjetski prvaci. Ako to možete zamisliti, možete isto uraditi na terenu. Imamo igrače koji savršeno odgovaraju taktičkom planu – zaključio je Van Gal.
3 Comments