Košarkaši Finiksa poveli su sa 2:0 u polufinalu Zapadne konferencije NBA lige pobijedivši Denver rezultatom 123:98.
Finiks su do pobjede predvodili Devin Bruker sa 18 poena i 10 skokova i Kris Pol koji je ubacio 17 poena uz 15 asistencija. MVP regularnog dijela NBA lige Nikola Jokić bio je najbolji u Denveru sa 24 poena, 13 skokova i šest asistencija ali bez prave podrške saigrača gosti nisu mogli više. Još samo tri igrača su imala dvocifren učinak i to Majkl Porter junior i Pol Milsap koji su postigli po 11 poena i Vim Barton sa 10 poena.
Da li će Denver uspjeti da se vrati u igru ostaje da vidimo. Jokić i društvo naredne dvije utakmice igraju na svom terenu, a prvi meč je na programu u subotu od 4 časa.
FOTO: @suns
