Generalni menadžer Vašington Vizardsa Tomi Šepard podijelio je detalje u vezi sa prelaskom Rasela Vestbruka u redove Lejkersa.
Kako je rekao, Vestbruk nikada nije zahtijevao da ode.
– Rasel nikada nije tražio da ode. Rekao je da bi volio da ode u Lejkerse ako se ukaže prilika, ali i da bi se vratio ovdje ukoliko do toga ne bi došlo – rekao je Šepard.
Ipak, sitaucija je bila drugačija kada ga je upitao za Kliperse.
– Pitao sam ga da li bi htio da pređe u Los Anđeles Kliperse. Odgovorio je ‘Dođavola, ne‘. Tako da, Raselu je bilo drago da bude ovdje, kao i nama što je bio – zaključio je.
Vestbruk je odrastao u Los Anđelesu gdje je i pohađao koledž na UCLA. Navodno je navijač Lejkersa od malih nogu.