Nije tajna da je Novak Đoković jedan od omiljenijih igrača na ATP turu među kolegama.
To je potvrdio i argentinski teniser Federiko Korija, trenutno 62. teniser svijeta, sa kojim je Đoković u Beogradu slikao selfi i objavio ga na svom profilu.
Iza toga stoji priča koju je Korija otkrio gostujući na “ESPN” i tom prilikom u studiju je ispričao anegdotu sa Olimpijskih igara u Tokiju.
– Sa Noletom imam jako dobru priču iz Tokija. Zato što sam ga pitao za selfi u Beogradu, a on je postao viralan. On je to objavio na svom Instagramu, svom ličnom Instagramu, fotografiju sa mnom, i počeo sam od tada da ga pozdravljam na svakom turniru. Svaki put kad ga vidim moram da mu čestitam, jer on uvijek nešto osvoji – počeo je Korija.
– I dobro, bili smo u Tokiju i ušao sam u svlačionicu sa Franom Serundolom i Andresom Moltenijem. Ušli smo u svlačionicu i tamo je bio Đoković i ostvarili smo vizuelni kontakt. Naravno da mi nije palo na pamet da odem do njega, ali onda je počeo da prelazi svlačionicu i da ide u mom pravcu, prema meni, možete li vjerovati?
– Šališ se? – pitao je jedan od voditelja, a Korija je nastavio:
– Ne! Dolazi do mene i kaže mi: ‘Prijatelju moj! Da li je sve u redu?.
Korija je oduševljeno uzvratio.
– ‘Nole, prijatelju. “Čestitam”. Zato što je upravo osvojio Vimbldon – objasnio je Argentinac i potom nasmijao sve u studiju:
– Novak se pozdravio i otišao, A ja sam prijateljima rekao: ‘Ovaj Nole. Tako je zahtjevan! – rekao je Korija.
Istakao je i kakvo je mišljenje drugih igrača o Đokoviću.
– Kada igrači dolaze ovamo na čelendžere, ili u Akapulko i Los Kabos, čuo sam ih kako pričaju takve priče novinarima. Kako su bili stidljivi i nervozni što su upoznali Novaka i koliko je on srdačan i kako ih je natjerao da se osjećaju opušteno – podvukao je mladi argentinski teniser.