Proglasio sebe favoritom na Vimbldonu – ispao od 528. na svijetu

Sebastian Korda prije dvije nedjelje pucao od samopouzdanja, ali u njegovom slučaju važi krilatica da je jači na riječima nego na djelu.

Prije dvije nedjelje Korda je eliminisan u polufinalu turnira u Kvinsu u pripremi za Vimbldon.

Tada je izgovorio čuvenu rečenicu – da je jedan od favorita za osvajanje Grend Slema.

– Imam veliko samopouzdanje kada igram na travi, krećem se zaista dobro, imam igru kakvu ima mali broj igrača. Agresivan sam igrač, volim izlaske na mrežu, imam dobre ruke. Definitivno osjećam da sam jedan od favoritana Vimbldonu – rekao je Korda.

Ali, u srijedu tog “agresivnog Korde, fenomenalnog na travi” nije bilo nigdje. Ispao je već u prvoj rundi Londona od 528. igrača na ATP listi Jiržija Veselija – 3:1.

Korda je u dijelu meča, koji je izgubio, propustio set loptu i tu je možda i meč otišao nizbrdo po njega. Uspio je da osvoji tek jedan set protiv 500 mjesta slabije rangiranog rivala.

Poslije ovakve blamaže dobro će razmisliti da li će više ikada davati bilo kakve prognoze.